പാരിസ്: ഒളിംപിക്സ് പുരുഷ ബാഡ്മിന്റണ് സിംഗിള്സില് ഇന്ത്യയുടെ ലക്ഷ്യ സെന് സെമി ഫൈനലില്. ഇതോടെ ഒളിംപിക്സ് ചരിത്രത്തില് ബാഡ്മിന്റണ് സെമിയിലെത്തുന്ന ആദ്യ ഇന്ത്യൻ പുരുഷതാരമായി മാറിയിരിക്കുകയാണ് ലക്ഷ്യ സെന്. ചൈനീസ് തായ്പേയുടെ ചൗ ടീന് ചെന്നിനെ പരാജയപ്പെടുത്തിയാണ് താരത്തിന്റെ മുന്നേറ്റം. സ്കോര്: 19-21, 21-15, 21-12.
🇮🇳🔥 𝗖𝗢𝗠𝗘𝗕𝗔𝗖𝗞 𝗞𝗜𝗡𝗚! An absolutely brilliant performance from Lakshya Sen as he becomes the first Indian male shuttler to reach the semi-final in the men's singles event at the Olympics.🏸 A very evenly contested match between the two players but Lakshya's resilience… pic.twitter.com/FeD9ZhXcwD
ആദ്യ ഗെയിമിലെ തോല്വിയെ മറികടന്ന ലക്ഷ്യ ശക്തമായി തിരിച്ചുവന്നാണ് വിജയം പിടിച്ചെടുത്തത്. ആദ്യ ഗെയിമില് ഇരുവരും 5-5ന് ഒപ്പമെത്തിയെങ്കിലും ഇടവേള സമയത്ത് 11-8ന് ചെന് മുന്നിലെത്തി. ഒരുഘട്ടത്തില് വീണ്ടും 18-18ന് ഒപ്പമെത്താന് ലക്ഷ്യയ്ക്ക് സാധിച്ചെങ്കിലും പിന്നീട് തുടര്ച്ചയായ രണ്ട് പോയിന്റുകള് നേടി ചെന് ആദ്യ ഗെയിം സ്വന്തമാക്കി.
രണ്ടാം ഗെയിമില് ഇരുവരും ഒപ്പത്തിനൊപ്പമാണ് നീങ്ങിയത്. 4-1ന് മുന്നിലെത്തിയ ലക്ഷ്യയെ 5-5ന് ചെന് ഒപ്പംപിടിച്ചു. സെറ്റ് ഇടവേളയ്ക്ക് പിരിയുമ്പോള് 11-10ന് ഇന്ത്യന് താരം മുന്നിലെത്തി. പിന്നീട് ചെന്നിന് ഒരവസരവും നല്കാതെ മുന്നേറിയ ലക്ഷ്യ 21-15ന് ഗെയിം സ്വന്തമാക്കിയതോടെ കളി ഡിസൈഡറിലേക്ക് നീങ്ങി. മൂന്നാം ഗെയിമും ആധികാരികമായി സ്വന്തമാക്കിയതോടെ ലക്ഷ്യ സെമി ബെര്ത്ത് ഉറപ്പിച്ചു.
ലക്ഷ്യത്തിലേക്ക് ലക്ഷ്യ സെന്; 'ഇന്ത്യന് പ്രീക്വാര്ട്ടറി'ല് പ്രണോയ്ക്ക് പരാജയം
പ്രീക്വാര്ട്ടര് പോരാട്ടത്തില് ഇന്ത്യന് താരം എച്ച് എസ് പ്രണോയിയെ തകര്ത്താണ് ലക്ഷ്യ ക്വാര്ട്ടറിലെത്തിയത്. 39 മിനിറ്റുമാത്രം നീണ്ടുനിന്ന പോരാട്ടത്തില് നേരിട്ടുള്ള ഗെയിമുകള്ക്ക് ലക്ഷ്യ അനായാസ വിജയം സ്വന്തമാക്കുകയായിരുന്നു. ബാഡ്മിന്റണില് ഇന്ത്യയുടെ ഏകപ്രതീക്ഷയാണ് 22കാരനായ ലക്ഷ്യ.